Поранешната
светска тенисерка број 1, Русинката Марија Шарапова се повлече од Париз
Опен следната недела откако повторно не успеа целосно да се опорави од
повредата на рамото, објавија организаторите.
"Морам да потврдам
дека Марија нема да биде на турнирот, а исто така нема да игра ниту во
Дубаи следната недела", објави портпаролката на турнирот.
21-годишната
Русинка нема играно од почетокот на август 2008, пропуштајќи ги
Олимпијадата во Пекинг, УС Опен и Австралискиот Опен во 2009, каде што
беше актуелна шампионка. Поради се ова таа падна од топ 10 на ВТА
листата и моментално е 17., нејзин најслаб рејтинг во скоро пет години.
Прв нејзин турнир во 2009 се очекува да биде БНП Парибас Опен турнирот
во Индијан Велс во март, кој од оваа година е задолжителен за сите топ
тенисерки.
Организаторите на Париз Опен пак додадоа дека на
турнирот се потврдени, новата светска тенисерка број 1 и шампионка од
Австралискиот Опен, Серена Вилијамс и олимписката шампионка, Русинката
Елена Дементиева.