Навивачите на европскиот и светскиот фудбалски шампион Манчестер Јунајтед го избраа тренерот Алекс Фергусон за најголема икона на овој клуб, пренесуваат британските медиуми.
Во анкета на клупскиот весник „Инсајд Јунајтед“ Фергусон е прогласен за најголема клупска икона од формирањето на Премиер лигата во 1992. година.
Фергусон во анкетата зад себе ги оставил прославените фудбалери на Јунајтед Ерик Кантона и Рој Кин.
Шкотскиот експерт дојде во Манчестер во 1987. година од шкотскиот клуб Абердин.
Фергусон постигна сјајни резултати со клубот од Олд Трафорд. Освои 10 Премиерлигашки шампионати, две титули во Лигата на шампионите и два триумфа на Светското клупско првенство.
Исто така, има освоено и многубројни трофеи во разни Куп натпреварувања, како и Купот на победници на куповите и Супер купот.
Фергусон во 2002. година е избран за член на англиската фудбалска куќа на славните, а сопственик е и на титула витез, но и други титули кои ги доделува англиската кралица