Светската
здравствена организација предупредува дека глобалната економска криза
ќе влијае на влошување на општото ментално здравје, па и на зголемување
на бројот на самоубиствата, поради неможноста на поединците да се
изборат со сиромаштијата и невработеноста.
Стотина милиони луѓе
ширум светот веќе имаат ментални проблеми како депресија и биполарно
афективно пореметување (манична депресија), а светската економска криза
би можела да ја влоши состојбата кај ментално слабите личности. Од СЗО
објаснуваат дека најголемо влијание од кризата најверојатно ќе
почувствуваат жителите на земјите со низок и среден стандард каде
пристапот до терапија што одговара на состојбата е ограничен.
Според
СЗО, сиромаштијата и зголемениот стрес кој таа го предизвикува,
вклучувајќи го и насилството, социјалното исклучување и константната
несигурност, се во директна врска со појавата на ментални пореметувања.
Не треба да не изненади растечкиот тренд на последици од стресот, бројот на самоубиства и менталните заболувања, велат од СЗО.
Од
таму укажуваат дека загрижува нивото на „отсуство на грижа“ за
поединечни пациенти, особено во најсиромашните и средно богатите држави
каде и се наоѓаат три четвртини од преценетиот број на заболени.
СЗО
истакнува дека владите на тие држави ќе мора да ја импрегнираат грижата
за менталното здравје во основната здравствена заштита.